Türkmənistanın “Deqreplast” təsərrüfat cəmiyyəti Azərbaycana plastik torbaların tədarükünü təşkil etməyi planlaşdırır.
Elchi.az Türkmənistan mətbuatına istinadən xəbər verir ki, hazırda Azərbaycandan olan sahibkarlarla ixrac müqavilələrinin bağlanması üçün danışıqlar aparılır.
Aylıq istehsal gücü 300 ton olan müəssisədə geyim, tikinti materialları, kənd təsərrüfatı məhsulları üçün polipropilen və polietilen torbalar istehsal edilir.
Hazırda məhsullar Rusiya, Türkiyə, Özbəkistan, Qırğızıstan və Qazaxıstana ixrac olunur.
