Yunanıstan Odessanın müdafiəsinə dəstək verilməsi üçün NATO müttəfiqlərinə çağırış edəcək.
Elchi.az xəbər verir ki, bunu Yunanıstanın xarici işlər naziri Nikos Dendias jurnalistlərə açıqlamasında deyib.
“Yunanıstan Mariupolda yaşanan müharibə cinayətlərinin araşdırılması üçün Beynəlxalq Cinayət Məhkəməsinə müraciət edəcək”, – nazir bildirib.
O deyib ki, Mariupolda 100 000 nəfərlik yunan icması yaşayır.
“Həmçinin mən NATO-dakı müttəfiqlərimizə müraciət edəcəyəm ki, Odessanın müdafiəsi üçün Ukraynaya bütün dəstəyi versinlər. Belə olan halda Odessa Mariupolun taleyini yaşamayacaq. Ukraynanın şəhəri qorumaq üçün ehtiyacı olduğu bütün hərbi dəstəyi verərək biz Ukraynaya kömək edə bilərik. Bir neçə gün əvvəl Odessada idim. Şəhər əhalisi Odessanı müdafiə etmək istəyir”, – Dendias qeyd edib.
