Rusiya prezidenti Vladimir Putinin əsas xüsusiyyəti ünsiyyətdə olduğu adamı aşağılamaq istəyidir.
Elchi.az xarici KİV-ə istinadən xəbər verir ki, bunu rusiyalı iş adamı, Putinin keçmiş yaxın dostu, hazırda Fransada yaşayan Sergey Puqaçov deyib.
“Putin elə adamdır ki, siz onu axmaq zarafatları ilə görürsünüz. Yəni üzünü örtmür – həyatda da, ünsiyyətdə də belədir. Təəssürat yaratmağa çalışmır. 20 ildir ki, hamı ona yaltaqlanır, buna görə də ona elə gəlir ki, etdiyi bütün işlər mükəmməldir. Onun Rusiya Xarici Kəşfiyyat Xidmətinin rəhbəri Sergey Narışkinə necə istehza etdiyini xatırlayıram. Onun münasibətlərində belə sadizm var. Mən belə halların dəfələrlə şahidi olmuşam. Bu, onun əsas xüsusiyyətidir – alçaltmağa çalışmaq. Həm də təkcə tabeliyində olanları deyil. Onun bu xüsusiyyəti həm də təkcə alçaltmaq üçün deyil – kimin kim olduğunu göstərməkdir”.
