Gürcüstanın Baş naziri İrakli Qaribaşvili Ermənistan Müdafiə naziri Suren Papikyanı qəbul edib.
Elchi.az xəbər verir ki, bu barədə Gürcüstan Baş nazirinin mətbuat xidməti məlumat yayıb. Bildirilib ki, görüş zamanı iki ölkə arasında müdafiə sahəsində əməkdaşlıq məsələləri müzakirə edilib.
Tərəflər regiondakı təhlükəsizlik məsələlərinə dair müzakirələr də aparıblar.
Görüşdə Cənubi Qafqaz regionunda sülh və sabitliyə təşviqin önəmi vurğulanıb.
Söhbət zamanı İrakli Qaribaşvilinin üç ölkə arasında dialoq formatının təsis edilməsi və ortaq maraq doğuran sahələrdə əməkdaşlığı nəzərdə tutan “Cənubi Qafqazda Dinc Qonşuluq Təşəbbüsü”nə də diqqət yönəldilib.
Qeyd olunub ki, Gürcüstan hər zamanı Cənubi Qafqazda sülhün, əməkdaşlığın və birgəyaşayışın tərəfdarı olub və regional dialoqa vasitəçilik etməyə hazırdır.
