Rusiya xarici işlər nazirinin müavini Andrey Rudenko TASS agentliyinə bildirib ki, Azərbaycan, Rusiya və Ermənistan liderləri İlham Əliyev, Vladimir Putin, Nikol Paşinyan arasında növbəti üçtərəfli görüş keçirilə bilər.
Elchi.az xəbər verir ki, Andrey Rudenko belə bir görüşün olacağını istisna etməsə də, tarix göstərməyib.
“Biz 10 noyabr 2020-ci il, 11 yanvar və 26 noyabr 2021-ci il tarixlərində üçtərəfli bəyanatların ən yüksək səviyyədə gerçəkləşdirilməsi üçün bütün səviyyələrdə sistemli işi davam etdiririk. Liderlər daimi təmasdadırlar. Əgər belə bir ehtiyac yaranarsa, üzbəüz görüşün təşkilini istisna etmirik, – deyə A.Rudenko vurğulayıb.
