Rusiya prezidenti Vladimir Putin Moskvanın Ukrayna limanlarından taxıl ixracına mane olmadığını bildirib.
Elchi.az xəbər verir ki, bu barədə o, “Rossiya” telekanalına müsahibəsində danışıb.
Putin qeyd edib ki, hazırda ən yaxşı həll yolu taxılın Belarus vasitəsilə daşınması ola bilər.
Rusiyanın ixrac qadağası ilə bağlı xəbərləri “blef” adlandıran Putin Qərb dövlətlərinin qlobal ərzaq bazarındakı problemlərdə Rusiyanı günahlandıraraq öz siyasi səhvlərini ört-basdır etməyə çalışdıqlarını deyib.
“Əgər kimsə Ukrayna taxılının ixracı problemini həll etmək istəyirsə, ən asan yol Belarusdan keçir. Buna heç kim mane olmur. Amma bunun üçün Belarusa tətbiq olunan sanksiyalar ləğv edilməlidir”, – deyə Putin vurğulayıb.
