“Azərbaycanda albinizmdən əziyyət çəkənlərin statistikası aparılmır”.
Elchi.az xəbər verir ki, bunu Səhiyyə Nazirliyinin mütəxəssis-eksperti dermatoveneroloq Vahid Mahmudov bildirib.
O albinizmin irsi xəstəlik olduğunu qeyd edib:
“Təxminən 17 min nəfərdən biri məhz bu nadir rast gəlinən xəstəliklə doğulur. Albinos insanların dərisi ultra bənövşəyi şüalara qarşı həssas olduğundan onlarda dəri yanıqları və xərçəngə yoluxma riski yüksək olur. Belə insanların ailə qurmasında heç bir problem görülmür”.
Nazirlik rəsmisinin sözlərinə görə, patologiyanı hamiləlik vaxtı aşkara çıxrmaq mümkün deyil:
“Ancaq ailədə albinizm olan biri varsa, valideynlərin birinin geni vasitəsilə hamiləlik vaxtı testin aparılması mümkün ola bilər. Əgər evli cütlüklərin biri albinizm daşıyıcı olarsa, uşağın albinos olması ehtimalı 25 %-dir”.
