Ukrayna Hərbi Hava Qüvvələrinin komandanlığının xaricdən olan silah tədarükçüləri ilə görüşü zamanı yüksək dəqiqliyə malik “Kalibr” raketləri ilə Vinnitsa şəhərindəki zabitlər evinə zərbə endirilib.
Elchi.az xəbər verir ki, bu barədə Rusiya Müdafiə Nazirliyi (MN) açıqlama yayıb.
Nazirlikdən iclasda iştirak edən şəxslərin məhv edildiyi bildirilib.
Nazirlik bundan başqa, Zaporojye vilayətində, həmçinin Xarkov şəhərində yerləşən Ukrayna mövqelərinə də zərbələr endirildiyini əlavə edib.
Ukrayna tərəfi ötən gün Rusiyanın Vinnitsa şəhərinin mərkəzinə raket zərbələri endirdiyini açıqlayıb. Nəticədə 22 nəfər ölüb, daha 90 nəfər ağır xəsarət alıb.
