Türkiyə Prezidenti Rəcəb Tayyib Ərdoğan Rusiya və Ukraynaya çağırış edib.
Elchi.az xəbər verir ki, bu barədə o, yerli jurnalistlərə müsahibəsində danışıb.
Ərdoğan qeyd edib ki, taxılın daşınmasına dair sazişin imzalanması Türkiyənin əhəmiyyətli ölkə olduğunu göstərib.
Türkiyə lideri Odessa limanına endirilən raket zərbələrinin təəssüf doğurduğunu, baş verə biləcək uğursuzluğun hamının əleyhinə olacağını vurğulayıb:
“Bu ölkələrin atdıqları imzalara və üzərlərinə götürdükləri öhdəliklərə sadiq qalmalarını istəyirik”.
Qeyd edək ki, iyulun 22-də Rusiya, Türkiyə, BMT və Ukrayna nümayəndələri Ukrayna limanlarından taxıl ixracını təmin etmək üçün saziş imzalayıblar.
