BMT-nin baş katibi Antonio Quterreş Ukraynanın cənubunda yerləşən Zaporojye bölgəsində Rusiyanın nəzarəti altında olan atom elektrik stansiyası ətrafındakı vəziyyətdən ciddi narahat olduğunu bildirib.
Elchi.az xəbər verir ki, bu barədə o, Ukraynanın qərbində yerləşən Lvov şəhərində Türkiyə Prezidenti Rəcəb Tayyib Ərdoğan və Ukrayna lideri Volodimir Zelenski ilə görüşdən sonra jurnalistlərə açıqlama verib.
Quterreş atom elektrik stansiyasının demilitarizasiya edilməsinə çağırıb. Quterreş hərbi texnika və personalın zavoddan çıxarılmalı olduğunu bildirib.
“Obyekt heç bir hərbi əməliyyatın tərkib hissəsi kimi istifadə edilməməlidir. Zaporojyenin sırf mülki infrastrukturunun bərpası və ərazinin təhlükəsizliyinin təmin edilməsi üçün razılaşma lazımdır”, – o deyib.
