Belarus prezidenti Aleksandr Lukaşenko bu gün verdiyi açıqlamalarla NATO və qərb ölkələrini açıq şəkildə təhdid edib.
Elchi.az-ın “Hurriyyet.com.tr”-yə istinadən xəbərinə görə, Lukaşenko bildirib ki, Qərb anlamalıdır ki, gərginliyi artırmağı seçsə, heç bir helikopter və ya təyyarə onları xilas edə bilməz.
Putinlə razılaşmışıq
Əvvəllər Sankt-Peterburqda Rusiya prezidenti Vladimir Putinlə nüvə silahı daşıyacaq döyüş təyyarələrinin modernləşdirilməsi ilə bağlı razılığa gəldiklərini deyən Lukaşenko bildirib:
“Putinlə Sankt-Peterburqda keçirdiyimiz görüşdə Su-24 döyüş təyyarələrimizi ölkənin imkanlarına uyğun inkişaf etdirməyə qərar verdik”.
Avropa ölkələri ilə Rusiya arasında yaşanan gərginlikdə Avropa ölkələrinin Ukraynanın tərəfini tutduqlarını və özlərinə zərər verdiyini vurğulayan Lukaşenko Rusiyadan qazı Avropa ölkələrindəki qiymətdən 50 faiz aşağı aldıqlarını qeyd edib:
“Almaniya və AB ölkələri Ukraynaya pis sərmayə qoydular. İndi bunun hesabını sona qədər ödəməli olacaqlar”.
Yeganə
