Rusiya Prezidenti Vladimir Putinin Türkiyə səfəri zamanı “Cənub axını” layihəsinin ləğv edildiyini və Türkiyə üzərindən Avropaya qaz 
satacaqlarını deməsi Rusiya mətbuatında fərqli yöndə işıqlandırılıb.
Axar.az xəbər verir ki, “Vesti FM” radiosunun qonağı olan Yaxın Şərq üzrə mütəxəssis Semyon Baqdasarov “Cənub axını” layihəsinin ləğv edilməsini şərh edərkən maraqlı açıqlama verib:
“Maraqlı tarixi vəziyyətdir. Biz bolqarları Osmanlı hücumlarından xilas etdik. Amma bu gün onlardan imtina edərək Türkiyə üzərindən Avropaya təbii qaz satacağıq. Dünya artıq dəli olmaq üzrədir. Biz bolqarları azad etmək üçün insanlarımızı itirdik. İndi isə onlar bizi satdı”.
Bu arada “Vestnik Kavkaz” xəbər agentliyi imzalanan layihəni işıqlandıraraq “Cənub axını” layihəsini “Türk axını” adlandırıb.
