“Qafamda illərdir dolaşan bir sual vardı.
Türkiyə Rusiya təyyarəsini vurdu və hamılıqla dəstəklədik. Mövzu Türkiyə olunca başqa bir seçimimiz də ola bilməz. Amma bu iş kimin lehinə idi? Türkiyə və Rusiya qarşı-qarşıya gəlsə, arada qalan biz olacaqdıq. O zaman Azərbaycan dövləti və şəxsən Prezident İlham Əliyev ən doğru olanı etdi. Tərəfləri uzlaşdırmağa çalışdı. Biz bu uzlaşmanın önəmini gördükmü? Gördük! Türkiyə gördümü? Gördü! Bu gün Vladimir Putin Türkiyəyə qaz qovşağı olmağı təklif edir. Rusiya gördümü? Gördü! Ukraynadan öncə Rusiyanı Türkiyə ilə çatışdırıb iki imperiya varisinin başını bir qazanda bişirib yemək istəyirdilər”.
Elchi.az xəbər verir ki, bu fikirləri AzNews.az xəbər portalının Baş redaktoru Taleh Şahsuvarlı FB hesabında bildirib:
“Hə, gəldik o suala…
Ahmet Davudoğlu harada?
Ərdoğana müxalifətdə!
Ərdoğan harada?
Azərbaycanda Türkiyə prezidenti olaraq işğaldan azad olunan torpaqlarımızda Zəngilan/Zəngəzur hava limanının lentini kəsir.
Elə həmin gün tarixdə dünyanın ən böyük imperiyası olmuş Britaniyanın baş naziri istefa verir.
Demək ki, dünyada yeni bir güc var. Ənənəvi dövlətləri və potensial güc mərkəzlərini sıradan çıxarmağa çalışır. Bu, ABŞ filan da deyil, tamam fərqli bir gücdür. Konspirativ güc!
Bəs, sonra?
Türkün min illəri əhatə edən dövlət ənənəsi necə olacaq? Bu suala da bu gün həmsöhbət olduğum çox dəyərli bir həmkarımın Ərdoğanın səfəri ilə bağlı şərhində tapdım. Ərdoğanın olmadığı (bütün insanlar fanidir), Nazarbayevin indidən sıradan çıxarıldığı dünyada (Ərdoğanın Nazarbayevi mümkün qədər qoruduğunu da nəzər alaraq) TÜRK DÜNYASININ LİDERİ kim olacaq?
Yeni dünya düzənində TÜRKÜN SƏSİ kim olacaq?
Doğrudanmı “Turan” suyu dövlət başçılarının masasına başqa içəcək olmadığı üçün qoyulmuşdu?
Bax, bu sualın cavabını deyirəm sizə, O LİDER BU ŞƏKİLDƏKİ ADAMDIR!”.
Yeganə
