Qərbi Azərbaycan İcmasının Qadınlar Şurasının ilk iclası keçirilib.
Onlayn şəkildə baş tutan iclasda Şuranın sədri, millət vəkili Məlahət İbrahimqızı qarşıda duran məsələlərdən, şuranın gələcək fəaliyyət istiqamətlərindən bəhs edib. Sədr müavinləri Almaz Ülvi və Telli Pənahqızı icmanın işinin təşkilində qadınların rolunu xüsusi qeyd edərək bu məqsədlə təkliflər irəli sürüblər.
Onlayn iclas zamanı şuranın digər üzvləri də fəal şəkildə müzakirələrə qatılaraq Qərbi Azərbaycan İcmasının zəngin irsindən, tarixindən danışıblar.
İclas iştirakçıları yaxın zamanda yenidən bir araya gəlmək barədə razılığa gəliblər.
