“Arzu edərdim ki, mediamızda şər, böhtan olmasın. Mətbuatın, qələmin özünün də bir əxlaqı
olmalıdır. Bizdə artıq mətbuata peşə kimi baxmırlar. Jurnalistika, qəzetçilik çox şərəfli bir peşədir”.
Bunu Aktual.az-a Azərbaycan Türkiyə Evinin (ATEV) rəhbəri Tənzilə Rüstəmxanlı deyib. O, qeyd edib ki, 22 İyul şərəfli peşə sahiblərinin günüdür:
“Təkcə Azərbaycanda yox, bir çox ölkələrdə mətbuatı elə vəziyyətə saldılar ki, yerindən qalxan, jurnalistikadan xəbəri olmayan, yazı yazmağı bacarmayan insanlar əllərinə qələm alıb reketçiliklə məşğul oldular. Bütün bunlara rəğmən Azərbaycanda əsası Həsən bəy Zərdabi tərəfindən qoyulan, çox ciddi tarixi ənənələrə malik qəzetçilik var”.
T.Rüstəmxanlı jurnalistlərə təbrik də ünvanlayıb:
“Bu gün ölkəmizin çox şərəfli qələm, söz sahiblərinin günüdür. Mən başda Sabir Rüstəmxanlı olmaqla Azərbaycanda namuslu, müstəqil söz sahibi olan qəzetçilərimizi, millətini, vətənini, dürüstlüyünü heç nəyə dəyişməyən qələm əhlini təbrik edirəm”.
Həsən Babayev/Aktual.az
