Ermənistan Xarici İşlər Nazirliyi Belarus lideri Aleksandr Lukaşenkonun Ermənistanın təhlükəsizliyinin təmin edilməsində KTMT-nin rolu ilə bağlı bəyanatlarını müttəfiqlik və tərəfdaşlıq münasibətlərinə zidd hesab edir.
Elchi.az “Sputnik Armeniya”ya istinadən xəbər verir ki, bununla bağlı Xarici İşlər Nazirliyinin mətbuat katibi Vaan Unanyan açıqlama yayıb.
“Biz Belarus prezidentinin xaotik, müzakirələr məntiqindən uzaq, müttəfiqlik və tərəfdaşlıq münasibətləri ilə bağlı ziddiyyətli bəyanatlarını şərh etməyi məqsədəuyğun hesab etmirik”, – deyə Unanyan bildirib.
Ermənistan Xarici İşlər Nazirliyi hesab edir ki, bu bəyanatlar KTMT-yə üzv dövlətin Lukaşenkonun özünün imzaladığı öhdəliklərini sual altına qoyur.(musavat.com)
