Ukraynada vurulan Malayziyaya məxsus sərnişin təyyarəsi ilə bağlı şok iddia ortaya atılıb.
Axar.az xəbər verir ki, “Komsomolskaya Pravda” qəzeti milyarder oliqarx İqor Kolomoyskinin Putini öldürmək üçün onun təyyarəsinin vurulması barədə Ukrayna ordusuna təlimat verdiyini iddia edir.
Qəzet iddiasına sübut olaraq MH 17-ni təqib edən Su-25 hərbi təyyarəsinin pilotu Dmitri Yakatsutsun qəzadan dərhal sonra hava yolu nəzarətçisi Anna Petrenko ilə Dubaya getməsini göstərib.
Bu olayı 21-ci əsrin ən böyük cinayəti kimi dəyərləndirən qəzet cütlüyün harada olduğunun bilinmədiyini qeyd edib. Hadisə ilə əlaqədar Rusiya və Ukrayna tərəfindən hələ şərh verilməyib.
Qeyd edək ki, Donetskdə vurulan təyyarədə 298 sərnişin var idi və onların hamısı qəza nəticəsində həlak olmuşdu.
