Xəzərin hüquqi statusunun müəyyənləşdirilməsi üzrə işçi qrupunun dekabrda Bakıda keçirilməsi planlaşdırılan görüşü təxirə salınıb.
APA-nın xəbərinə görə, bunu jurnalistlərə açıqlamasında Azərbaycan xarici işlər nazirinin müavini Xələf Xələfov deyib.
Onun sözlərinə görə, buna görüşdə iştirak edəcək heyətlərin iş cədvəllərində müəyyən dəyişikliklərin olması səbəb olub: “Biz bu tarixi diplomatik kanallarla dəqiqləşdirib, 2015-ci ilin əvvəllərində tədbiri keçirəcəyik. Həştərxan sammitində dövlət başçılarının yekdil qərarı ilə nəzərdə tutulub ki, iki ildən sonra Qazaxıstanda sammit keçirilsin. Bütün Xəzəryanı ölkələr bu tədbirlər çərçivəsində fəaliyyətlərini davam etdirəcəklər”.
