Qazaxıstan Bakı-Tiflis-Ceyhan neft kəməri ilə ildə 1,5 milyon ton neft göndərməyi planlaşdırır. 2023-cü il yanvarın 1-dən tədarüklərə başlanılacaq.
Elchi.az xəbər verir ki, bunu Qazaxıstanın Baş naziri Əlixan Smailov deyib.
“Bizim gələn il yanvarın 1-dən Bakı-Tiflis-Ceyhan vasitəsilə 1,5 milyon ton neft göndərmək barədə razılaşmamız var”, – baş nazir bildirib.
Onun sözlərinə görə, gələcəkdə respublikanın səlahiyyətli orqanları bu istiqamətdə tədarük imkanlarını dörd dəfədən çox artırmaq niyyətindədirlər:
“Yaxın gələcəkdə təqribən 6-6,5 milyon ton neftin nəqli planlaşdırılır”.
