Ukraynalı uşaqlar kütləvi şəkildə Rusiyaya aparılır

Rusiya hakimiyyəti mətbuatda ukraynalı uşaqların övladlığa götürülməsini açıq şəkildə reklam etməyə başlayıb.
Elchi.az xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb.
“Ukraynalı uşaqların rus ailələrinə məcburi övladlığa götürülməsi ilə bağlı qondarma sənədli film ölkədə kütləvi şəkildə yayılır. Bunu Donbasdan rus ailələrinə övladlığa götürülmüş bir neçə ukraynalı uşağın iştirakı ilə çəkilmiş videogörüntülər sübut edir. Videolarda iddia edilir ki, təkcə 2022-ci ildə Donbasdan 150 mindən çox uşağı aparılıb. Uşaqların kütləvi şəkildə övladlığa götürülməsi Rusiya əhalisinin azaldılmasının qarşısını almaq məqsədi də daşıya bilər”,- məlumatda deyilib.