Avropa Komissiyasının Azərbaycanla qaz müqaviləsi Ermənistanda əvvəllər mövcud olan böyük etimadı sarsıtdı. Bunu noyabrın əvvəlində nümayəndə heyətinin tərkibində Ermənistanda səfərdə olan Avropa Parlamentinin almaniyalı üzvü Lars Patrik Berq deyib. Bu barədə Almaniyanın “Junge Freiheit” qəzeti Ermənistan, Azərbaycanın hücumu və Qarabağ münaqişəsi mövzusunda geniş məqalə dərc edib.
Elchi.az xəbər verir ki, 168.am portalının məlumatına görə, Berq qeyd edib ki, Almaniya hələ də Cənubi Qafqazın işlərinə qarışmaq istəmir, baxmayaraq ki, region geosiyasi əhəmiyyətə malikdir və Avropa ilə Asiya arasında əlaqə rolunu oynayır və Aİ-ni daha fəal olmağa çağırıb.
Məqalədə vəziyyətlə yerindəcə tanış olmaq və İrəvanla həmrəylik ifadə etmək məqsədilə noyabrın əvvəlində Avropa Parlamentinin deputatlarının Ermənistana səfərindən bəhs edilir.
Avropa Parlamentinin üzvü Peter van Dalen də öz növbəsində Azərbaycanla qaz sövdələşməsini böyük səhv adlandırıb. Digər Avropa Parlamentinin üzvü Fabio Massimo Castaldo Aİ-ni münaqişənin diplomatik yollarla həlli üçün səyləri artırmağa çağırıb.
Şayəstə
