İsraildə keçmiş Ədliyyə naziri və Kadima Partiyasının lideri Tzipi Livni ilə İsrail İşçi partiyasının sədri İsaak Hersoq seçkilərdə birlikdə hərəkət
edəcəklərini açıqlayıblar.
Axar.az xəbər verir ki, ölkədəki son anketə görə, keçiriləcək seçkilərdə Livni və Hersoqun birlikdə təqdim edəcəyi siyahının İsrail Baş naziri və Likud Partiyası lideri Binyamin Netanyahunu ötüb keçəcəyi təxmin edilir. İsrailin rəsmi məclis kanalının bazar ertəsi hazırladığı anketə görə, Hersoq və Livinin ortaq siyahısı 23 yerə sahib çıxdığı halda, Likud Partiyasına 21 yer qalır.
Livni və Hersoq Təl-Əvivdə təşkil etdikləri ortaq mətbuat konfransında seçkilərdə iki partiyanı birləşdirərək hərəkət edəcəklərini, seçkilərdə qalib olarlarsa, Baş nazirliyi yarı-yarıya istifadə edəcəklərini bildiriblər.
Hersoq ölkənin mənfəəti üçün birləşdiklərini deyib: “Prezidentdən səlahiyyət alandan sonra mən ilk iki il üçün, Livni isə sonrakı iki il üçün Baş nazirlik vəzifəsini icra edəcəyik”. Livni isə “müdhiş Baş nazir olacağını” da qeyd edib.
Xatırladaq ki, İsraildə seçkilər 2015-ci il mart ayının 15-də keçiriləcək.
