Fransa iqlim dəyişikliyi ilə mübarizə çərçivəsində yeni qərar qəbul edib. Bu çərçivədə daxili uçuşlar məhdudlaşdırıldı. Qatarla 2 saat yarımlıq məsafədə olan istiqamətlərə uçuşlar silinir.
Elchi.az xəbər verir ki,Fransada daxili reyslərə məhdudiyyətlər qoyulub. Artıq qatarla 2 saat yarım davam edən məsafələrə uçuşlar olmayacaq.
Səbəb isə iqlim dəyişikliyi ilə mübarizədir. 2030-cu ilə qədər karbon emissiyalarının 1990-cı il səviyyəsi ilə müqayisədə 40 faiz azaldılması hədəflənir.
Təklif ötən il Fransa parlamentində səsvermədə qəbul edilib.
Qərarın Avropa qanunvericiliyinə uyğunluğunu təmin etmək üçün Avropa Komissiyası ilə Fransa hökuməti arasında danışıqlar aparılıb.
Komissiya yaşıl işıq yandırdı. Avropa İttifaqının Rəsmi Jurnalında dərc olunan qərara əsasən, qatarla 2 saat yarımdan az gedən məsafələr üçün daxili uçuşlar ləğv edilib. Sərnişinlər bunun əvəzinə dəmir yolu ilə səyahətə üstünlük verəcəklər.
Şayəstə
