Daxili İşlər Nazirliyi Suriyanın Cerablus və Bab bölgələrində keçirilən əməliyyatlar zamanı aralarında DEAŞ terror təşkilatının maliyyə məmuru adlandırılan 18 terrorçunun ələ keçirildiyini açıqlayıb.
Elchi.az xəbər verir ki, Nazirlikdən verilən məlumata görə, kəşfiyyat araşdırmaları Qaziantep İl Jandarma Komandanlığının təqib və koordinasiyasında Suriya İşçi Qrupu Cerablus və Əl-Bab Jandarma Məsləhət Komandanlıqlarının ünsürləri tərəfindən həyata keçirilib.
Dekabrın 3-də Cerablus və Bab bölgəsində həyata keçirilən əməliyyatlarda; Baza genişləndirmə, təbliğat, kadr toplama və kəşfiyyat toplama kimi fəaliyyətlər həyata keçirən, həmçinin fəaliyyət axtarışında olan 13 DEAŞ terrorçusu, o cümlədən təşkilatın maliyyə komandiri adlanan şəxs yaxalanıb.
Şübhəlilərin evlərində aparılan axtarışlar zamanı partlamağa hazır 10 kiloqram əl istehsalı bomba komplekti, 4 bomba elektron lövhəsi, Kalaşnikov piyada tüfəngi, tapança və 253 patron ələ keçirilib.
Şayəstə
