Rusiya Azərbaycan prezidenti İlham Əliyevlə Ermənistanın baş naziri Nikol Paşinyan arasında görüşünün öz ərazisində keçirilməsi üçün lazımi yardımı göstərməyə hazırdır. Elchi.az RİA Novostiyə istinadən xəbər verir ki, bu sözləri Rusiya prezidentinin mətbuat katibi Dmitri Peskov jurnalistlərə bildirib.
“Rusiya, şübhəsiz ki, öz ərazisində belə bir görüşün keçirilməsi üçün bütün lazımi yardımı göstərməyə hazır olacaq”, – deyə Peskov Əliyevlə Paşinyan arasında görüşün ilin sonuna kimi Rusiyada keçirilməsinin mümkün olub-olmaması sualına cavab verib.
O, həmçinin qeyd edib ki, əgər görüşlə bağlı müəyyən anlaşma olsa, o zaman bu barədə məlumat veriləcək.
Əliyev bundan əvvəl Brüsseldə Paşinyanla dekabra planlaşdırılan görüşün baş tutmayacağını bildirib. Ermənistan Xarici İşlər Nazirliyi əmin edib ki, İrəvan iki liderin görüşünə hazırdır, lakin dördtərəfli formatda – Fransa prezidenti Emmanuel Makron və Avropa Şurasının sədri Şarl Mişelin iştirakı ilə.
Şayəstə
