Qətər, bəzi iqtisadi və siyasi qərarlarına təsir etmək üçün Avropa Parlamentində (AP) strateji olaraq yerləşdirilmiş şəxslərə rüşvət verməsi ilə bağlı iddiaları rədd edib.
Elchi.az xəbər verir ki, bu barədə Qətər Avropa Birliyi Missiyası bəzi media orqanlarında yer alan iddialarla bağlı rəsmi Twitter hesabından yazılı açıqlama yayıb.
Açıqlamada, “Mətbuatda bəzi şəxslərə qarşı Qətəri ittihamlarla əlaqələndirmək cəhdləri birmənalı olaraq rədd edilib” və Qətər dövlətinin bəzi iddialarla əlaqələndirildiyi bu xəbərlərin əsassız olduğu bildirilib.
Bəyanatda qeyd olunub ki, Qətər diplomatik fəaliyyətini institusional əlaqələr vasitəsilə və beynəlxalq hüquqa və dövlətlər arasında münasibətləri tənzimləyən qaydalara tam uyğun olaraq həyata keçirir.
Şayəstə
