Milli Aeronavtika və Kosmik Tədqiqatlar İdarəsinin (NASA) Ceyms Uebb Kosmik Teleskopu kosmosda indiyədək heç vaxt görünməyən qalaktikanın görüntüsünü çəkib.
Elchi.az CNN-ə istinadən xəbər verir ki, teleskopun yeni şəkli Extra-Milky Way Fields for Re-ionization and Lensing Science (PEARLS) adlı müşahidə proqramı çərçivəsində çəkilib.
PEARLS çərçivəsində Ceyms Uebbin çəkdiyi fotoşəkillə “almaz” kimi parlayan yeni qalaktika nümayiş etdirildi.
Bildirilib ki, foto kainatın “ən zəif görünən göy cisminin” və “ən geniş ərazinin” çəkildiyi ilk görüntülərdən biridir.
Kosmosun Şimal Ekliptika Qütbü adlanan hissəsinə fokuslanan Ceyms Uebb teleskopu çılpaq gözlə görüləndən 1 milyard dəfə daha sönük göy cisimlərini təsvir etmək üçün səkkiz fərqli rəngə yaxın infraqırmızı işıqdan istifadə etdi.
Şəkli kəskinləşdirmək üçün tədqiqatçılar James Webb məlumatlarını Hubble Kosmik Teleskopu tərəfindən çəkilmiş ultrabənövşəyi və görünən işığın üç rəngi ilə birləşdirdilər.
Proqram tamamlandıqda şəklin artıq çəkilmiş hissədən 4 dəfə böyük olacağı gözlənilir.
PEARLS proqramının baş müstəntiqi və tədqiqatın müəllifi Rogier Windhorst, “Kəşf edilmiş ərazi Ceyms Webb ilə ildə 365 gün müşahidə oluna bilmək üçün nəzərdə tutulmuşdu, buna görə də zaman sahəsi, əhatə olunan bölgə və əldə edilən dərinlik yalnız zaman keçdikcə yaxşılaşacaq” dedi.
Şəkillə bağlı araşdırma dekabrın 14-də akademik The Astronomical Journal jurnalında dərc edilib.
Şayəstə
