İngiltərədə mayelərin və böyük elektrik cihazlarının hava limanının təhlükəsizliyindən keçməsi ilə bağlı qaydaların 2024-cü ilə qədər dəyişəcəyi açıqlanıb.
Elchi.az xəbər verir ki, bu barədə hökumətin internet saytında edilən açıqlamada, İngiltərə hava limanlarına tətbiq edilən təhlükəsizlik proseslərini asanlaşdırmağa yönəlmiş yeni qanunvericilik elan edildi.
Açıqlamada ölkənin əsas hava limanlarının təhlükəsizlik məntəqələrində 2 il ərzində tətbiq olunacaq yeni sistemlə xüsusilə sərnişinlər üçün təhlükəsizlik yoxlamalarının asanlaşdırılacağı bildirilib.
Yeni sistemdə təhlükəsizlik işçilərinin sərnişinlərin çantalarından çəkilmiş 3D görüntü sayəsində daşıdıqları mallar haqqında daha ətraflı məlumata sahib olacağı və təhlükənin aşkarlanmasının daha təkmil üsullarla həyata keçirilə biləcəyi bildirilib.
Hazırda təhlükəsizlik məntəqələrində sərnişinlərdən planşet, noutbuk və mayeləri kabin baqajından çıxarmaq tələb olunduğu halda, yeni sistem bu qaydanı da ləğv edəcək, həmçinin mayelər üçün 100 millilitr limiti 2 litrə qədər artıracaq.
Saytda Britaniyanın nəqliyyat naziri Mark Harperin də fikirləri yer alıb.
Hava limanlarında təhlükəsizlik nəzarətlərinin artırılacağını qeyd edən Harper, “2024-cü ilə qədər Böyük Britaniyanın böyük hava limanlarında gözləmə müddətlərini azaldacaq, sərnişin təcrübəsini yaxşılaşdıracaq və ən əsası potensial təhlükələri aşkar edəcək ən son təhlükəsizlik texnologiyası quraşdırılacaq” dedi. ifadəsini işlətdi.
Hava limanlarına yoxlama avadanlıqlarını və proseslərini yeniləmək üçün 2024-cü ilin iyun ayına qədər vaxt verildi. Bu vaxta qədər sərnişinlər üçün başqa hal nəzərdə tutulmayıbsa, köhnə təhlükəsizlik qaydaları tətbiq olunacaq.
Məlumdur ki, yeni sistem dünyanın bir çox ölkələrində tətbiq olunur.
Şayəstə
