“Avropa öz sənayesinin gələcəyini təmin etmək üçün ABŞ-ın deflyasiya qanununa təcili reaksiya verməlidir”.
Elchi.az “Reuters”-ə istinadən xəbər verir ki, bunu Fransa Prezidenti Emmanuel Makron deyib.
Onun sözlərinə görə, Avropanın milli alətlər vasitəsilə reaksiyası ÜDM-in təxminən 2 faizini təşkil etməlidir.
“Biz buna bazarımızı daha çox açmaq hesabına nail olacağıq”,-deyə Fransa Prezidenti vurğulayıb.
Aİ-yə görə, subsidiyalar hesabına ABŞ istehsalı olan iqlim texnologiyalarını təşviq edən ABŞ-ın deflyasiya qanunu, Avropa şirkətlərinə qarşı ədalətsiz ayrı-seçkilikdir.
ABŞ Konqresinin avqust ayında qəbul etdiyi inflyasiyanın azaldılması ilə bağlı qanunda nəzərdə tutulan subsidiyalar Aİ üçün xüsusilə arzuolunmazdır. Məsələn, elektrik avtomobil alıcıları əgər avtomobil Şimali Amerikada hasil edilən və ya emal edilən minerallardan Şimali Amerikada istehsal olunan akkumulyatorla işləyirsə, 7500 dollar vergidən azad olmaq hüququna malikdir.
Avropada qanunun investisiyaların kəskin azalmasına və şirkətlərin Avropanı tərk etməsinə səbəb ola biləcəyindən narahatdırlar.
Yeganə
