Rusiya Prezidenti Vladimir Putin dekabrın 19-da Minskə işgüzar səfərə gedəcək.
Elchi.az “News.am”-a istinadən bildirir ki, Putin Belarus Prezidenti Aleksandr Lukaşenko ilə danışıqlar aparacaq.
Belarus prezidentinin mətbuat xidmətinin məlumatına görə, iki ölkə liderləri təhlükəsizlik məsələlərinə üstünlük verəcək, regionda və dünyada vəziyyətlə bağlı fikir mübadiləsi aparacaq, qarşıda duran çağırışlara cavab vermək üçün birgə tədbirləri müzakirə edəcəklər.
Putin və Lukaşenko müttəfiq proqramların həyata keçirilməsi, ticarət-iqtisadi əməkdaşlıq və idxalın əvəzlənməsi ilə bağlı məsələləri ətraflı müzakirə edəcəklər. Görüş zamanı enerji sahəsində əməkdaşlıq da mühüm müzakirə mövzusundan biridir.
Yüksək səviyyəli görüş Müstəqillik Sarayında baş tutacaq. Əvvəlcə prezidentlərin, hökumət üzvlərinin, departament rəhbərlərinin iştirakı ilə genişləndirilmiş tərkibdə danışıqların aparılması planlaşdırılır.
Sonra iki ölkə liderlərinin təkbətək söhbət formatında görüşü olacaq. Bundan sonra onlar bəyanatla çıxış edəcək və jurnalistlərin suallarını cavablandıracaqlar.
Yeganə
