Polşanın Baş naziri Mateus Moravetski bildirib ki, Polşa və İtaliyanın Avropa bürokratiyasının diktəsindən bezib. Baş nazir iki ölkənin Avropa İttifaqını birlikdə yeniləmək istədiyini deyib.
Elchi.az xarici mediaya istinadən bildirir ki, baş nazir bu barədə İtaliyanın “La Stampa” qəzetinə müsahibəsində deyib.
“Polşalılar və italyanlar Avropa bürokratiyasının diktəsindən yorulublar və əsl demokratiya istəyirlər. Biz ittifaqın fundamental prinsiplərinə qayıdaraq Aİ-ni yeniləmək istəyirik.
Biz onsuz da, Almaniya siyasətinin səhvlərinə görə çox böyük bədəl ödəyirik, lakin Berlin hər şeyi həll etsəydi, qazın qiyməti daha da baha olardı”, – deyə nazir qeyd edib.
Moravetskinin sözlərinə görə, yekdillik qaydası vacibdir, baxmayaraq ki, bəzi üzv dövlətlər bunu Aİ qərarlarının qəbulu üçün maneə hesab edir.
“Ya yekdillik qaydası var, ya da güclülərin tiranlığı”,-deyə Moravetski vurğulayıb.
Yeganə
