Rusiya Prezidenti Vladimir Putinin bu gün-dekabrın 28-nə planlaşdırılan Pskov vilayətinə səfəri hava şəraiti ilə əlaqədar təxirə salınmalı olub.
Elchi.az Tass-a istinadən xəbər verir ki, bu barədə Rusiya liderinin mətbuat katibi Dmitri Peskov jurnalistlərlə söhbəti zamanı bildirib.
Peskov əlavə edib ki, axşam dövlət başçısının beynəlxalq telefon danışığı olacaq, onun məzmunu daha sonra açıqlanacaq. Həmçinin, Putinlə Çin lideri Si Tsinpin arasında Yeni il ərəfəsində təmasla bağlı hazırlıq gedir.
Prezidentin Yeni il gecəsi ilə bağlı planlarından danışan mətbuat katibi qeyd edib ki, o, ənənəvi müraciətlə çıxış edəcək, xüsusi əməliyyata görə formatı dəyişməyəcək. Peskovun sözlərinə görə, dövlət başçısının hər Yeni il müraciəti ötən ilin izlərini daşıyır və başlayan il üçün əsas mesajları ehtiva edir.
Yeganə
