Bakı Ağır Cinayətlər Məhkəməsində “Baku Steel Company”nin sabiq rəhbəri Rasim Məmmədovun cinayət işi üzrə məhkəmə prosesi başa çatıb.
Elchi.az xəbər verir ki, hakim Leyla Məmmədovanın sədrliyi ilə baş tutan iclasda Rasim Məmmədova hökm oxunub. Hökmə əsasən R. Məmmədov 14 müddətinə azadlıqdan məhrum edilib.
Eyni zamanda iş adamına və onun yaxınlarına məxsus üzərinə həbs qoyulmuş 70 milyon manat dəyərindəki əmlaklar da müsadirə olunub.
Qeyd edək ki, Rasim Məmmədov Dövlət Təhlükəsizlik Xidməti (DTX) tərəfindən həbs olunub. O, Cinayət Məcəlləsinin 179.4 (mənimsəmə və ya israfetmə, xüsusilə külli miqdarda ziyan vurmaqla törədildikdə), 193.3.2 (xüsusilə külli miqdarda gəlir əldə etməklə yalan sahibkarlıq), 308.2 (vəzifə səlahiyyətlərindən sui-istifadə etmə, ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham olunub.
