Ukrayna parlamentinin sədri Ruslan Stefançuk 2023-cü ildə əsas hədəflərinin Rusiyaya qarşı müharibədə qələbəyə nail olmaq olduğunu bəyan edərək, “Qələbə bizim əsas məqsədimizdir və biz buna mütləq nail olacağıq” deyib.
Elchi.az xarici mediaya istinadən bildirir ki, təxminən 11 aya yaxındır Rusiyaya qarşı müharibənin davam etdiyi Ukraynada xalq pravoslav Milad bayramı üçün kilsələrə axışıb.
Ukrayna Pravoslav Kilsəsinin arxiyepiskopu, Kiyev və bütün Ukraynanın mitropoliti Yepiskop tərəfindən Kiyev-Peçerskdə keçirilən ziyafətdə Stefançuk, Ukrayna Prezidenti Aparatı rəhbərinin müavini Kirilo Timoşenko, digər rəsmi şəxslər və çoxlu sayda vətəndaş iştirak edib.
Geniş təhlükəsizlik tədbirlərinin görüldüyü monastırda təxminən iki saat davam edən ziyafətdən sonra jurnalistlərə açıqlama verən Stefançuk Milad günündə Ukraynanın qələbəsi üçün dua etdiklərini bildirib.
Ukrayna hökumətinin 2023-cü ildə prioritet planlarının nə olduğu sualına Stefançuk “Qələbə bizim əsas məqsədimizdir və biz buna mütləq nail olacağıq” deyə cavab verib.
Yeganə
