Rusiyanı təhqir edən rusların əmlakı müsadirə edilməlidir

Nasistləri dəstəkləməyə, Rusiyanı və rus əsgərlərini təhqir etməyə görə cəzaya əmlakın müsadirə edilməsi bəndi əlavə edilməlidir.
Elchi.az xəbər verir ki, bunu Rusiya Dövlət Dumasının sədri Vyaçeslav Volodin deyib.
“Son zamanlar Rusiyanı tərk edən vətəndaşların xaricdə öz rifahını qorumaq üçün açıq şəkildə bədxahlara, nasistlərə və qatillərə dəstək verməsi halları ilə daha tez-tez rastlaşırıq. Gedənlər ölkəmizin sayəsində rahat yaşayırlar. Xaricdə olarkən daşınmaz əmlaklarını icarəyə verir, Rusiya vətəndaşlarının hesabına qonorar almağa davam edirlər. Onların bu bəyanatları ekstremizmə çağırışlar, nasizmin reabilitasiyası və ya Rusiya Silahlı Qüvvələrinin gözdən salınması kimi qiymətləndirilə bilər”, – o bildirib.