Casusluq ittihamı ilə Tehranın Evin həbsxanasında saxlanılan İran-Amerika ikili vətəndaşı Siamak Namazi yanvarın 16-sı ABŞ Prezidenti Co Baydenə məktub yazıb.
Elchi.az xəbər verir ki, Namazi məktubda mübarizəsini haqlı hesab etdiyini, ABŞ prezidentinin köməyilə azadlığa çıxacağına ümidli olduğunu yazıb.
Qeyd edək ki, İran əsilli Amerika vətəndaşı Siyamak Namazi 2016-cı ilin oktyabrında Tehranda ABŞ-ın xeyrinə casusluq ittihamı ilə həbs edilərək, 10 il azadlıqdan məhrum olunub. Oğlunun vəziyyətini izləmək üçün İrana səfər edən Bağır Namazi də 2016-cı ildə həbs edilərək eyni cəzaya məhkum edilib.
