Avropa İttifaqı (Aİ) Ukraynaya 3 milyard avro makromaliyyə dəstəyi verib.
Elchi.az xarici mediaya istinadən xəbər verir ki, Aİ Komissiyası Rusiya ilə müharibə vəziyyətində olan Ukraynaya bu il verilməsi planlaşdırılan 18 milyard avroluq makro maliyyə yardım paketinin 3 milyard avrosunun bu gün göndərildiyini açıqlayıb.
Açıqlamada, paket çərçivəsində Ukraynada maaş və təqaüdlərin ödəniləcəyi, xəstəxana və məktəb kimi əsas xidmətlərin davam etdiriləcəyi, köçkünlərin sığınacaqla təmin ediləcəyi bildirilib.
Dəstəyin Ukraynada iqtisadi sabitliyin təmin olunmasına kömək edəcəyinə işarə edilən bəyanata görə, ölkədə enerji infrastrukturu, su sistemləri, nəqliyyat şəbəkələri, yollar və körpülər kimi mühüm infrastrukturun təmirinə dəstək veriləcək.
Açıqlamada, dəstəyin Ukraynadakı mövcud şərtlərə görə çevik və rahat borclanma şərtləri təklif etdiyi vurğulanıb və Ukraynanın sözügedən kreditləri 2033-cü ildən başlayaraq 35 il müddətinə ödəyəcəyi qeyd olunub.
Yeganə
