İngiltərənin paytaxtı Londonda yüzlərlə insan hökumətin Milli Səhiyyə Sistemi (NHS) ilə bağlı siyasətinə etiraz etmək üçün toplaşıb.
Elchi.az xəbər verir ki, baş nazirin ofisinin yerləşdiyi “Nömrə 10” Dauninq küçəsinə doğru yürüş edən aktivistlər tətil edən NHS işçilərinə dəstək veriblər.
Hökumətdən tibb işçilərinin maaşlarının artırılmasını tələb edən nümayişçilər əllərində “NHS-i qorumaq üçün tətil” yazılan plakatlar qaldırıb və “Biz Milli Səhiyyə Təşkilatıyıq” şüarları səsləndiriblər.
Nümayişlərdə hökumət tibb bacılarına ədalətli maaş verməyə çağırıb.
İngiltərədə yüzlərlə tibb bacısı dünən 48 saatlıq tətil etmək qərarına gəlib.
RCN həmkarlar ittifaqının üzvləri olan tibb bacıları, hökumətin tələb etdikləri maaş artımını təmin etməməsindən sonra 55 xəstəxananı tərk etdilər.
Şayəstə
