Rusiyanın Yekaterinburq şəhərində ictimai asayişi pozan erməni icmasının rəhbəri Masis Nazaryan 5 sutka həbs edilib.
Elchi.az xəbər verir ki, bu barədə Ermənistan parlamentinin keçmiş deputatı Arman Abovyan Teleqram kanalında yazıb.
Abovyan bildirib ki, icma rəhbəri erməni kilsəsinin həyətində guya blokadada olan Qarabağı xilas etmək üçün dünya ictimaiyyətinə müraciət etməyə çağırıb.
Qeyd edək ki, Yekaterinburqun erməni icmasının rəhbərinə qarşı mitinq, nümayiş və ya yürüşün təşkili və ya keçirilməsində müəyyən edilmiş qaydanı pozduğuna görə inzibati iş başlanmışdı.
