Xəbər verdiyimiz kimi, Azərbaycan Respublikası “Yeni Yurd” Sosial İnkişaf ictimai birliyinin nümayəndə heyəti bu il dekabrın 10-dan 
15-dək Türkiyədə səfərdə olub.Səfər zamanı TÜRKİYE AZERBAYCAN DOSTLUK DERNEKLERİ FEDERASYONU nun təşkil etdiyi və Dünya şöhrətli siyasətçi Heydər Əliyevin xatirəsinə həsr edilən tədbirdə iştirak və çıxış edən “Yeni Yurd” ictimai birliyinin sədri Mahirə xanım Əsədova, qiymətli hədiyyələri və “Xocalı Soyqırımını Tanıtma” ictimai birliyinin Xüsusi Diplomunu TADDEF-in Başkanı, TBMM-in sabiq Millət Vəkili Aziz Kayğusuza, habelə, bu Federasiyanın digər fəallarına təqdim edib.Daha sonra “Yeni Yurd” Sosial İnkişaf ictimai birliyinin Türkiyə Cümhuriyyətindəki nümayəndəliyinin açılış mərasimi olub.Ankarada, TADDEF-in iqamətgahında baş tutan tədbirdə hər iki təşkilatın nümayəndələri ofisin “Yeni Yurd” ictimai birliyinin ixtiyarında olduğunu təsdiqləyən sənədi imzalayıblar.
Şamil Sabiroğlu,
“Ana harayı” qəzetinin baş redaktoru
