NATO-nun keçmiş generalı Petr Pavel seçkilərdə milyarder və keçmiş baş nazir Andrey Babisi məğlub edərək Çexiyanın növbəti prezidenti olacaq.
Elchi.az-ın News.am-a istinadən məlumatına görə, bu barədə “Politico” xəbər verir.
Rəsmi məlumata görə, Pavel səslərin 58 faizini, Babisi isə 42 faizini toplayıb.
Çexiyanın hazırkı baş naziri Petr Fiala keçmiş generalı təbrik edərək onu mülki namizəd adlandırıb. Fiala Praqada mətbuat konfransı zamanı deyib:
“Pavelin təmsil etdiyi dəyərlər qalib gəldi və bu, çətin anlarda çox vacib mesajdır.
61 yaşlı gələcək prezident Şərqi Avropa ölkəsində qütbləşmənin azaldılması vədi ilə çıxış edib:
“Həqiqət, ləyaqət, hörmət və təvazökarlıq kimi dəyərlər qalib gəldi. Əminəm ki, bizim böyük əksəriyyətimiz bu dəyərləri bölüşürük. Praqa qəsrini və siyasətimizi geri qaytarmaqla yanaşı, onları həyatımızın bir hissəsinə çevirməyə çalışmağa dəyər”.
Çexiyanın baş naziri siyasi hakimiyyətin böyük hissəsinə sahib olsa da, Pavel avronun qəbulu da daxil olmaqla, Avropa İttifaqı ilə daha sıx əlaqələri fəal şəkildə davam etdirir.
Əvvəllər o, 2012-2015-ci illərdə Çexiya Ordusunun Baş Qərargah rəisi, sonra 2015-2018-ci illərdə NATO Hərbi Komitəsinin sədri olub.
Yeganə
