Rusiya Federasiyası Təhlükəsizlik Şurasının sədr müavini hesab edir ki, onlara ancaq “belə bədbəxt liderlərin” seçiminə görə acımaq olar.
Elchi.az xəbər verir ki, Qərbin Rusiyaya qarşı sanksiyaları və Kiyevə silah tədarükünün əvəzini Aİ ölkələrinin sadə vətəndaşları ödəyir.
Bunu jurnalist Nadana Fridrixsona müsahibəsində Rusiya Təhlükəsizlik Şurasının sədr müavini Dmitri Medvedev deyib.
“Sanksiyalar, Kiyev rejiminə silah tədarükü, ticarət müharibələri və blokadalara dəstək, sözün əsl mənasında, adi Aİ vətəndaşları tərəfindən ödənilir”, – Medvedev vurğulayıb.
Onun fikrincə, onlara ancaq yazığı gəlmək olar ki, “öz vətəndaşlarını düşünməyən” “belə yazıq rəhbərləri seçiblər”.
Xatırladaq ki, fransalı müşahidəçi Patris Bravo əmindir ki, Qərbin Rusiyada nüvə sənayesinə qarşı sanksiyaları onu tətbiq edənlərin əleyhinə olacaq. O xatırladıb ki, Rusiya uranın zənginləşdirilməsi texnologiyaları üzrə dünyada tanınmış təchizatçıdır və bu yanacağın ən böyük ixracatçılarından biridir. Bundan başqa, Rusiya Federasiyası Türkiyə, Macarıstan, Hindistan, Çin və Misirdə atom elektrik stansiyalarının tikintisi üzrə iri layihələrdə iştirak edir.
Çin jurnalistləri belə qənaətə gəliblər ki, Avropa ölkələri Vaşinqtonun tələsinə düşüb və ABŞ-dan enerji təchizatından ciddi şəkildə asılı olublar. Onların fikrincə, bununla əlaqədar olaraq Ağ Evlə Avropa arasında fikir ayrılıqları güclənib, parçalanma daha da ciddiləşib.
Şayəstə
