The Seattle Times: Boeing 2023-cü ildə təxminən 2000 işçini ixtisar etməyi planlaşdırır
Elchi.az xəbər verir ki, Amerika təyyarə istehsalçısı Boeing bu il təxminən iki min işçisini ixtisar etmək niyyətindədir. Bu barədə The Seattle Times yazır.
Bildirilir ki, ixtisarlar ilk növbədə maliyyə şöbəsinin, eləcə də kadrlar şöbəsinin əməkdaşlarına şamil olunacaq. Bildirilir ki, ixtisardan təsirlənəcək şəxslərin funksiyalarının bir hissəsi Hindistanın Tata Consulting Services şirkətinə həvalə olunacaq.
Boeing-in Kommunikasiyalar üzrə Baş Direktoru Mayk Fridman qarşıdan gələn ixtisarları şərh edərək, “iş axınının optimallaşdırılmasına” işarə etdi. “Zaman keçdikcə bəzi şöbələrimiz kifayət qədər böyüdü. Və bu genişlənmə ilə onların işini səmərəsiz edən bürokratiya yaranır” dedi.
Nəşrin məlumatına görə, şirkət işçilərin 10%-ni gözləntilərə cavab verməyənlər kimi təsnif edərək, işçilərin illik fəaliyyətinin təhlilini hazırlayan menecerlər qarşısında tələblər qoyub.
Xatırladaq ki, daha əvvəl PayPal iqtisadi problemlərə işarə edərək 2 min işçini işdən çıxarmağı planlaşdırır. şirkət qeyd edib ki, təşkilatın bəzi bölmələri digərlərindən daha çox zərər görəcək.
Şayəstə
