Türkiyədəki zəlzələdən sonra süni şəkildə qiymətləri artıran 353 şirkət cərimə edilib.
Elchi.az xəbər verir ki, bu barədə Türkiyənin Ticarət Nazirliyi məlumat yayıb.
Məlumata görə, qiymət artımı edən 353 şirkət ümumilikdə 85 milyona lirəyə yaxın cərimə edilib:
“Vətəndaşların hədsiz qiymət artımı ilə bağlı şikayətlərindən sonra Ticarət Nazirliyi araşdırmaya başlayıb. Nazirlik tərəfindən pərakəndə satış məntəqələrində və elektron ticarət bazarlarında məhsulların satışı ilə məşğul olan sahibkarlıq subyektlərində yoxlamalar aparılıb. Araşdırmalar nəticəsində qiymətləri hədsiz dərəcədə artırdığı hesab edilən 353 şirkətə ümumilikdə 84 milyon 975 min türk lirəsi inzibati cərimə tətbiq edilməsinə qərar verilib”.
