Belçikanın gündəlik qəzeti “Le Soir” yazır ki, Belçika prokurorluğu Avropa Parlamentindəki qalmaqal çərçivəsində Avropa Parlamentinin digər üzvü Mark Tarabellaya qarşı korrupsiya ittihamı irəli sürüb.
Elchi.az xəbər verir ki, Belçikalı sosialist Tarabella cümə günü həbs edilib.
“Le Soir”in federal prokurorların bəyanatına istinadən verdiyi məlumata görə, o, korrupsiya, çirkli pulların yuyulması və cinayət təşkilatına üzv olmaqda ittiham olunur.
Tarabellanın vəkili Maksim Toller bildirib ki, Belçika rəsmiləri tərəfindən aparılan dindirmə zamanı müvəkkili hər hansı qanunsuz hərəkəti rədd edib.
Xatırladaq ki, Qatargate kimi tanınan qalmaqal ötən ilin dekabrında səlahiyyətlilərin qərarların qəbuluna təsir etmək üçün Dünya Çempionatına ev sahibliyi edən Qətərdən onlara dəbdəbəli nağd pul və hədiyyələr verdiyi iddiası ilə dörd nəfəri Avropa Parlamenti ilə əlaqədə olmaqda ittiham etməsi ilə başladı.
Yeganə
