ABŞ ordusu Rusiyada terror aktlarını həyata keçirmək üçün İslam Dövləti və Əl-Qaidə terror təşkilatları ilə əlaqəli cihadçı qruplardan yaraqlıları fəal şəkildə cəlb edir.
Elchi.az xəbər verir ki, bu barədə Xarici Kəşfiyyat Xidməti (SVR) məlumat yayıb.
SVR-nin mətbuat xidmətinin yaydığı məlumatda qeyd olunur ki, yanvar ayında Yaxın Şərqdə hərbi əməliyyatlarda iştirak təcrübəsi olan 60 belə terrorçu seçilib. İndi bu yaraqlılar Suriyadakı Əl-Tanfdakı Amerika bazasında təlim keçir.
Xarici Kəşfiyyat Xidməti qeyd edib ki, işə götürənlər Rusiyanın Şimali Qafqaz və Mərkəzi Asiyadan olan mühacirlərlə əməkdaşlığa xüsusi diqqət yetirirlər.
Kəşfiyyatçıların fikrincə, yaxın gələcəkdə bu yaraqlılardan ibarət kiçik qruplar Rusiya və MDB dövlətlərinin ərazisinə atılmalıdır. Onların üzərinə qoyulan vəzifələr sırasında diplomatlara, dövlət qulluqçularına, hüquq-mühafizə orqanlarının əməkdaşlarına və Silahlı Qüvvələrin şəxsi heyətinə qarşı terror aktlarının hazırlanması və həyata keçirilməsi də var.
Yeganə
