İtaliyanın Rusiyadakı səfiri Giorgio Starace Rusiya Xarici İşlər Nazirliyinə çağırılıb.
Elchi.az xəbər verir ki, Rusiya tərəfi bu yaxınlarda İtaliyada Rusiyadan olan bir sıra ifaçıların çıxışlarının ləğv edilməsi ilə bağlı çaşqınlıq ifadə edib.
“Səfirə bildirilib ki, Rusiya mədəniyyət sahəsində dialoqa açıq qalır və İtaliyadan gələn mədəniyyət xadimlərinə məhdudiyyətlər qoymaq niyyətində deyil, təbii ki, İtaliya tərəfi bu sahədə əlaqələrin həyata keçirilməsində bərabərlik və qarşılıqlılıq şərtlərinə əməl edərsə”, – mesajda deyilir.
Nazirlik onu da qeyd edib ki, beynəlxalq məsələlərin müəyyən aspektləri müzakirə edilərkən italiyalı diplomat Kiyev rejiminə davam edən silah və hərbi texnika, o cümlədən hücum xarakterli tədarüklər, Ukrayna hərbçilərinin təlimi və ümumilikdə Rusiya tərəfindən verilən qiymətlər barədə məlumatlandırılıb.
