Siyasətçinin ölümünü keçmiş həmkarı Mixail Veselov elan edib,
Elchi.az xəbər verir ki, Vladivostok Şəhər Dumasının keçmiş deputatı Dmitri Yamşçikov Rusiyanın Ukraynadakı xüsusi hərbi əməliyyatı zonasında ölüb. Bu barədə RİA Novosti-yə 2023-cü il fevralın 18-də IV çağırış Şəhər Dumasının yerli özünüidarəetmə, asayiş və qanunun aliliyi komitəsinin sədri Mixail Veselov məlumat verib.
Dmitri Yamşçikovun ölümü ilə bağlı təfərrüatlar verilmir. Uzaq şərqli siyasətçi ilə vidalaşma tarixi və vaxtı daha sonra açıqlanacaq.
Siyasətçi 2012-2017-ci illərdə Vladivostok Dumasının deputatı olub. O, həmçinin şəhər qanunverici orqanında gənclər palatasının işinə nəzarət edirdi.
Bundan əvvəl Dmitri Yamşçikov hüquq-mühafizə strukturunda çalışıb və vilayət administrasiyası tərəfindən investisiya cəlb etmək üçün yaradılan Primorsk Ərazi İnvestisiya Agentliyinə rəhbərlik edib. Təşkilat inzibati maneələrin aradan qaldırılması, regionun müsbət investisiya imicinin formalaşdırılması və təşviqi ilə məşğuldur.
Şayəstə
