İsveçin Eslyov şəhərindəki məsciddə yanğın hadisəsi baş verib.Musavat.com-un “Reuters”ə istinadən verdiyi məlumata görə, hazırda yanğın söndürülüb, zərərçəkənin olmadığı bildirilir. Polisdə hesab edilər ki, kimsə ibadət evinə məqsədli şəkildə od vurub. Ancaq cinayətkarın şəxsiyyəti hələ ki, dəqiqləşdirilməyib.
Qeyd edək ki, bu, son bir həftədə ikinci belə faktdır. Dekabrın 25-də Eskulstun şəhərindəki məscid də yandırılmış, 5 nəfər xəsarət almışdı. Həmin hadisənin səbəbkarı da tapılmayıb.
Müşahidəçilər bu kimi halların siyasəti miqrantlara qarşı olan sağ təmayüllü “İsveç demokratları” partiyasını fəallaşması fonunda baş verdiyini vurğulayırlar.
