Ağ Ev federal qurumlara “TikTok” tətbiqini bütün cihazlardan silmək üçün 30 gün vaxt verib.
Elchi.az “Associated Press”-ə istinadən xəbər verir ki, Çin tətbiqi təhlükəsizlik problemlərinə görə Vaşinqtonda diqqət mərkəzində olub.
Bəzi qurumlar, o cümlədən, Müdafiə Departamenti, Daxili Təhlükəsizlik Departamenti və dövlət administrasiyası artıq bu məhdudiyyətləri tətbiq edib. Səlahiyyətlilər digər federal qurumları 30 gün ərzində məhkəməyə müraciət etməyə çağırır.
Ağ Ev artıq TikTok tətbiqini öz cihazlarında qadağan edib.
Konqres, hökumətin maliyyələşdirmə paketinin bir hissəsi olaraq, dekabr ayında Hökumət Cihazlarına “TikTok” Yoxlama Qanununu qəbul edib. Qanunvericilik “TikTok”-dan müəyyən hallarda, o cümlədən, milli təhlükəsizlik, hüquq-mühafizə və tədqiqat məqsədləri üçün istifadə etməyə icazə verir.
Nümayəndələr Palatasının respublikaçılarının çərşənbə axşamı ABŞ prezidenti Co Baydenə “TikTok”-u ölkə daxilində qadağan etmək səlahiyyəti verən qanun layihəsini irəli sürəcəkləri gözlənilir. Konqresmen Mike McCaul tərəfindən təklif edilən qanun layihəsi administrasiyanın Çin tətbiqinə sanksiyalar tətbiq etməyə başlayacağı təqdirdə məhkəmədə qarşılaşacağı problemlərin qarşısını almaq üçün nəzərdə tutulub.
Təklif qəbul olunarsa, administrasiyaya təkcə “TikTok”-u deyil, milli təhlükəsizliyi təhdid edən istənilən proqram təminatını qadağan etməyə imkan verəcək.
Yeganə
